საქართველოში გარემოსდაცვითი პოლიტიკის ერთ-ერთი მნიშვნელოვანი მიმართულება მწარმოებლის გაფართოებული ვალდებულების (მგვ) სისტემაა. მიუხედავად იმისა, რომ ამ მოთხოვნის შესახებ ბევრი კომპანია უკვე ინფორმირებულია, ხშირად კვლავ ჩნდება კითხვა -  რეალურად რას ნიშნავს მგვ იმპორტიორისთვის და რა ვალდებულებები აქვს მას?

რა არის მგვ?

მწარმოებლის გაფართოებული ვალდებულება (მგვ) არის სისტემა, რომლის მიხედვითაც კომპანიები პასუხისმგებლები არიან მათ მიერ ბაზარზე განთავსებული გარკვეული პროდუქციისგან წარმოქმნილ ნარჩენებზე.

ეს ნიშნავს, რომ პასუხისმგებლობა არ სრულდება მხოლოდ პროდუქტის იმპორტით ან რეალიზაციით - კომპანიამ უნდა უზრუნველყოს, რომ გამოყენების შემდეგ წარმოქმნილი ნარჩენი სწორად შეგროვდეს და გადამუშავდეს.

ვის ეხება მგვ?

მგვ ვრცელდება იმ კომპანიებზე, რომლებიც საქართველოში ახორციელებენ:

თუ კომპანია ამ კატეგორიის პროდუქციას ბაზარზე ათავსებს, მას შესაბამისი გარემოსდაცვითი ვალდებულებებიც ეკისრება.

მნიშვნელოვანია აღინიშნოს, რომ მგვ სისტემაში ჩართვა კანონმდებლობით სავალდებულოა ყველა იმპორტიორისთვის, რომელიც ბაზარზე ათავსებს საბურავებს, ზეთებსა და საპოხ მასალებს, აკუმულატორებს ან ელექტრო და ელექტრონულ მოწყობილობებს. შესაბამისად, ასეთი კომპანიები ვალდებულნი არიან შეასრულონ მგვ-ით განსაზღვრული მოთხოვნები, დამოუკიდებლად ან ავტორიზებული მგვ ორგანიზაციის მეშვეობით. 

რა ვალდებულებები აქვს იმპორტიორს?

მგვ სისტემის ფარგლებში კომპანიას რამდენიმე ძირითადი ვალდებულება აქვს:

პრაქტიკაში ეს პროცესი ხშირად დამატებით ადმინისტრაციულ და საორგანიზაციო რესურსს მოითხოვს.

როგორ შეუძლია კომპანიას ვალდებულებების შესრულება?

იმპორტიორს შეუძლია ვალდებულებები დამოუკიდებლად შეასრულოს, თუმცა ბევრად ეფექტური და პრაქტიკული გზაა ავტორიზებულ მგვ ორგანიზაციაში გაწევრიანება.

ასეთ შემთხვევაში ორგანიზაცია უზრუნველყოფს:

თეგეტა გრინ პლანეტის როლი

თეგეტა გრინ პლანეტი ერთ-ერთი პირველი ავტორიზებული მგვ ორგანიზაციაა საქართველოში, რომელიც კომპანიებს ეხმარება მწარმოებლის გაფართოებული ვალდებულების ფარგლებში დაკისრებული მოთხოვნების შესრულებაში.

ორგანიზაცია აერთიანებს იმპორტიორებს და უზრუნველყოფს საბურავების, ზეთებისა და აკუმულატორების ნარჩენების შეგროვებასა და გადამუშავებას, რაც ხელს უწყობს როგორც გარემოს დაცვას, ისე ბიზნესისთვის კანონმდებლობით გათვალისწინებული ვალდებულებების ეფექტიანად შესრულებას.

რატომ არის მგვ მნიშვნელოვანი?

მგვ მხოლოდ რეგულაცია არ არის. ეს არის მექანიზმი, რომელიც ამცირებს გარემოზე ზემოქმედებას, ზრდის გადამუშავების მაჩვენებლებს და ხელს უწყობს ცირკულარული ეკონომიკის განვითარებას.

მგვ სისტემაში ჩართვა შესაბამისი პროდუქციის იმპორტიორებისთვის სავალდებულოა, ხოლო თეგეტა გრინ პლანეტი კომპანიებს ამ ვალდებულებების ეფექტიანად და მარტივად შესრულებაში ეხმარება. 

რაც უფრო მეტი კომპანია ჩაერთვება სისტემაში, მით ნაკლები ნარჩენი მოხვდება გარემოში და მით მეტი რესურსი დაბრუნდება ეკონომიკურ ციკლში.

მგვ სისტემაში მონაწილეობა დღეს არა მხოლოდ სამართლებრივი ვალდებულებაა, არამედ პასუხისმგებლიანი ბიზნესის მნიშვნელოვანი ნაწილია.